ലഖ്‌നൗ : ന്യൂസിലന്‍ഡിനെതിരായ ടി20 പരമ്പരയിലെ നിർണായകമായ രണ്ടാം മത്സരത്തിൽ ഇന്ത്യക്ക് ഫീൽഡിംഗ്. ടോസ് നേടിയ ന്യൂസിലന്‍ഡ് നായകന്‍ മിച്ചല്‍ സാന്‍റ്‌നര്‍ ബാറ്റിംഗ് തെരഞ്ഞെടുക്കുകയായിരുന്നു. ആദ്യ ടി20യിൽ നിന്നും മാറ്റത്തോടെയാണ് ടീം ഇന്ത്യ ഇറങ്ങുന്നത്. പേസർ ഉമ്രാന്‍ മാലിക്കിന് പകരം സ്‌പിന്നര്‍ യുസ്‌വേന്ദ്ര ചാഹൽ പ്ലെയിംഗ് ഇലവനില്‍ ഇടം നേടി. ആദ്യ മത്സരം വിജയിച്ച കിവീസ് നിരയിൽ മാറ്റങ്ങളൊന്നുമില്ല.
കഴിഞ്ഞ മത്സരത്തിൽ ഫോം കണ്ടെത്താൻ വിഷമിച്ച ശുഭ്‌മാന്‍ ഗില്ലും ഇഷാന്‍ കിഷനും ഓപ്പണിങ്ങിൽ ഇറങ്ങും. ബോളർമാരിൽ ഏറെ റൺസ് വഴങ്ങിയ അര്‍ഷ്‌ദീപ് സിങ്ങും ടീമില്‍ സ്ഥാനം നിലനിര്‍ത്തിയിട്ടുണ്ട്. ഓപ്പണിംഗില്‍ ശുഭ്‌മാന്‍ ഗില്ലും ഇഷാന്‍ കിഷനും കഴിഞ്ഞ മത്സരത്തില്‍ റണ്‍സേറെ വഴങ്ങിയ അര്‍ഷ്‌ദീപ് സിംഗും ടീമില്‍ സ്ഥാനം നിലനിര്‍ത്തി.