സതാംപ്ടണ്‍: ന്യൂസിലൻഡിനെതിരായ ടെസ്റ്റ് ചാമ്പ്യൻഷിപ്പ് ഫൈനലിൽ ഇന്ത്യയ്ക്ക് മോശം തുടക്കം. ടീം ടോട്ടല്‍ നൂറ് റൺസെത്തും മുമ്പ് രണ്ട് വിക്കറ്റ് നഷ്ടമായി. ഓപ്പണർമാരായ രോഹിത് ശർമയുടെയും ശുഭ്മാൻ ഗില്ലിന്റെയും വിക്കറ്റുകളാണ് നഷ്ടമായത്. നിലവില്‍ ആദ്യ സെഷന്‍ അവസാനിച്ചപ്പോള്‍ രണ്ട് വിക്കറ്റ് നഷ്ടത്തില്‍ 69 റണ്‍സാണ് ടീമിന് കണ്ടെത്താനായത്.
68 പന്തിൽ നിന്ന് 34 റണ്‍സെടുത്ത രോഹിത്തിനെ ജാമിസണിന്റെ പന്തിൽ സൗത്തി പിടികൂടുകയായിരുന്നു. 64ൽ നിന്ന് 28 റൺസെടുത്ത ഗില്ലിനെ നീല്‍ വാഗ്നർ കീപ്പർ വാട്‌ലിങ്ങിന്‍റെ കൈയിലെത്തിച്ചു. നിലവില്‍ ആറ് റൺസോടെ ക്യാപ്റ്റൻ വിരാട് കോലിയും റൺസൊന്നുമെടുക്കാതെ ചേതേശ്വർ പൂജാരയുമാണ് ക്രീസിൽ.