ലോര്ഡ്സ്: ഇംഗ്ലണ്ടിനെതിരായ രണ്ടാം ടെസ്റ്റിൽ ഇന്ത്യ മികച്ച നിലയില്‍. സെഞ്ചുറി പ്രകടനം നടത്തിയ കെഎല്‍ രാഹുലിന്‍റേയും (102* ) അര്‍ധ സെഞ്ചുറി നേടിയ രോഹിത് ശര്‍മയുടേയും (83) മികവിലാണ് മത്സരത്തിന്‍റെ ആദ്യ ദിനം ഇന്ത്യ അനുകൂലമാക്കിയത്.
ടോസ് നഷ്ടപ്പെട്ട് ബാറ്റ് ചെയ്യാനിറങ്ങിയ ഇന്ത്യ ഒടുവില്‍ വിവരം കിട്ടുമ്പോള്‍ 77.3 ഓവറില്‍ രണ്ട് വിക്കറ്റ് നഷ്ടത്തില്‍ 245 റണ്‍സെടുത്തിട്ടുണ്ട്. രോഹിത്തിന് പുറമെ ഒമ്പത് റണ്‍സെടുത്ത ചേതേശ്വര്‍ പുജാരയുടെ വിക്കറ്റുമാണ് ഇന്ത്യയ്ക്ക് നഷ്ടമായത്. ആന്‍ഡേഴ്സണാണ് രണ്ട് വിക്കറ്റുകളും സ്വന്തമാക്കിയത്. 37 റണ്‍സുമായി ക്യാപ്റ്റന്‍ വിരാട് കോലിയാണ് രാഹുലിനൊപ്പം ക്രീസിലുള്ളത്.