കൊളംബോ : ശ്രീലങ്കക്കെതിരായ മൂന്നാം ടി20യിൽ ഇന്ത്യൻ ബാറ്റിങ് നിര തകർന്നടിഞ്ഞു. 20 ഓവറിൽ എട്ട് വിക്കറ്റ് നഷ്ടത്തിൽ 81 റണ്‍സെടുക്കാനേ ഇന്ത്യക്കായുള്ളൂ. ഇന്ത്യൻ നിരയിൽ മൂന്ന് ബാറ്റ്സ്മാൻമാർക്ക് മാത്രമാണ് രണ്ടക്കം കടക്കാൻ കഴിഞ്ഞത്. ഇതിൽ ടോപ്പ് സ്കോറർ 23 റണ്‍സെടുത്ത കുൽദീപ് യാദവാണ്.
ക്യാപ്റ്റൻ ശിഖർ ധവാൻ, മലയാളി താരം സഞ്ജു സാംസണ്‍, വരുണ്‍ ചക്രവർത്തി എന്നിവർ പൂജ്യത്തിന് പുറത്തായി. റിതുരാജ് ഗെയ്‌ക്‌വാദ് (10 പന്തിൽ 14), ദേവ്ദത്ത് പടിക്കൽ( 15 പന്തിൽ 9), നിതീഷ് റാണ( 15 പന്തിൽ 6), ഭുവനേശ്വര്‍ കുമാര്‍( 32 പന്തിൽ 16), രാഹുൽ ചഹാർ( 5 പന്തിൽ 5) എന്നിങ്ങനെ ഇന്ത്യൻ ബാറ്റ്സ്മാൻമാർ വരിവരിയായി കൂടാരം കയറി.