ചെന്നെെ: ഇന്ത്യന്‍ പേസ് സെന്‍സേഷന്‍ ടി നടരാജന്‍ കൊവിഡ് വാക്സിന്‍റെ അദ്യ ഡോസ് സ്വീകരിച്ചു. വാക്സിന്‍ സ്വീകരിക്കുന്നതിന്‍റെ ചിത്രം സോഷ്യല്‍ മീഡിയയിലൂടെ താരം പങ്കുവച്ചിട്ടുണ്ട്. കൊവിഡിനെതിരെ സ്വന്തം ജീവന്‍ പണയം വെച്ച് പോരാട്ടം നടത്തുന്ന ആരോഗ്യ പ്രവര്‍ത്തകര്‍ക്ക് നന്ദി അറിയിക്കുന്നതായി താരം കുറിച്ചു.
അതേസമയം ഐപിഎല്ലിനിടെ കാല്‍മുട്ടിന് പരിക്കേറ്റതിനെ തുടര്‍ന്ന് 30കാരനായ നടരാജന്‍ ശസ്ത്രക്രിയക്ക് വിധേയനായിരുന്നു. തുടര്‍ന്ന് വിശ്രമത്തിലായിരുന്ന താരം പരിശീലനം പുനരാരംഭിച്ചതിന്‍റെ ചിത്രങ്ങള്‍ കഴിഞ്ഞ ദിവസം സോഷ്യല്‍ മീഡിയയില്‍ പങ്കുവെച്ചിരുന്നു.