ബെംഗളൂരു: ഇന്ത്യയുടെ ടോപ് ഓര്‍ഡര്‍ ബാറ്റര്‍ കെഎല്‍ രാഹുലിന് വിന്‍ഡീസിനെതിരായ ടി20 പരമ്പര പൂര്‍ണമായും നഷ്‌ടമാവുമെന്ന് റിപ്പോര്‍ട്ട്. കഴിഞ്ഞ ആഴ്‌ച കൊവിഡ് ബാധിതനായ താരത്തിന് ഒരാഴ്‌ച കൂടി വിശ്രം നിര്‍ദേശിച്ചതായാണ് വിവരം. രാഹുലിന് പകരക്കാരനെ ബിസിസിഐ പ്രഖ്യാപിച്ചിട്ടില്ല.
ഇതോടെ നിലവില്‍ വിന്‍ഡീസിലുള്ള മലയാളി താരം സഞ്‌ജു സാംസണോട് ടീമിനൊപ്പം തുടരാന്‍ ആവശ്യപ്പെടുമോയെന്നാണ് ആരാധകര്‍ ഉറ്റുനോക്കുന്നത്. ഏകദിന പരമ്പരയുടെ ഭാഗമായ സഞ്‌ജുവിന് ടി20 സ്‌ക്വഡില്‍ ഇടം ലഭിച്ചിരുന്നില്ല. അഞ്ച് മത്സര ടി20 പരമ്പരയാണ് ഇന്ത്യ വിന്‍ഡീസിനെതിരെ കളിക്കുക. ഈ മാസം 29നാണ് ആദ്യ മത്സരം.