മുംബൈ: അടുത്തമാസം വെസ്റ്റ് ഇൻഡീസിനെതിരായ നടക്കുന്ന ഏകദിന, ടി20 പരമ്പരയിലെ മത്സരങ്ങൾ രണ്ട് വേദികളിലായി ചുരുക്കിയേക്കും. നേരത്തെ തിരുവനന്തപുരം ഗ്രീൻ ഫീൾഡ് സ്റ്റേഡിയം ഉൾപ്പെടെ ആറ് വേദികളിലായാണ് മത്സരം നടത്താൻ തീരുമാനിച്ചിരുന്നത്. എന്നാൽ രാജ്യത്ത് കൊവിഡ് വർധിച്ചുവരുന്ന സാഹചര്യത്തിൽ അഹമ്മദാബാദ്, കൊൽക്കത്ത എന്നിവിടങ്ങളിൽ മാത്രമായി മത്സരങ്ങൾ നടത്താനാണ് ബിസിസിഐ തീരുമാനം.
മൂന്ന് ഏകദിനങ്ങളും മൂന്ന് ടി20 മത്സരങ്ങളും ഉൾപ്പെട്ടതാണ് പരമ്പര. അഹമ്മദാബാദ്, ജയ്‌പൂർ, കൊൽക്കത്ത, കട്ടക്ക്, വിശാഖപട്ടണം, തിരുവനന്തപുരം എന്നിവിടങ്ങളിലായിരുന്നു മത്സരങ്ങൾ നടത്താൻ നേരത്തെ തീരുമാനിച്ചിരുന്നത്. പരമ്പരയിലെ അവസാന ടി20 മത്സരമാണ് ഫെബ്രുവരി 20ന് കാര്യവട്ടത്ത് നടത്താൻ തീരുമാനിച്ചിരുന്നത്.