കേപ്‌ടൗണ്‍: ദക്ഷിണാഫ്രിക്കക്കെതിരായ മൂന്നാം ഏകദിനത്തിൽ ഇന്ത്യക്ക് 288 റണ്‍സ് വിജയ ലക്ഷ്യം. ദക്ഷിണാഫ്രിക്ക ഓപ്പണർ ക്വിന്‍റണ്‍ ഡി കോക്കിന്‍റെ സെഞ്ച്വറി മികവിൽ 49.5 ഓവറിൽ 287 റണ്‍സിന് ഓൾ ഔട്ട് ആവുകയായിരുന്നു. മറുപടി ബാറ്റിങ്ങിനിറങ്ങിയ ഇന്ത്യ അഞ്ച് ഓവർ പിന്നിടുമ്പോൾ ഒരു വിക്കറ്റ് നഷ്‌ടത്തിൽ 24 റണ്‍സ് നേടിയിട്ടുണ്ട്. ഒൻപത് റണ്‍സെടുത്ത കെഎൽ രാഹുലിന്‍റെ വിക്കറ്റാണ് ഇന്ത്യക്ക് നഷ്‌ടമായത്.
ടോസ് നഷ്‌ടപ്പെട്ട് ബാറ്റിങ്ങിനിറങ്ങിയ ദക്ഷിണാഫ്രിക്കയുടെ തുടക്കം തകർച്ചയോടെയായിരുന്നു. ഓപ്പണർ ജന്നെമൻ മലാൻ (1) മൂന്നാം ഓവറിൽ തന്നെ പുറത്തായി. പിന്നാലെ ടെംബ ബവുമ(8)യും പുറത്തായി. 13-ാം ഓവറിൽ എയ്‌ഡൻ മാർക്രത്തേയും(15) ദക്ഷിണാഫ്രിക്കയ്‌ക്ക് നഷ്‌ടമായി. എന്നാൽ പിന്നീട് ക്രീസിൽ ഒന്നിച്ച റാസി വാൻഡെർ ദസ്സൻ- ഡികോക്ക് കൂട്ടുകെട്ട് സ്കോർ ഉയർത്തി.