ബ്രിസ്ബേന്‍: ടി20 ലോകകപ്പിന് മുന്നോടിയായി ഓസീസിനെതിരായ സന്നാഹ മത്സരത്തില്‍ ബാറ്റുകൊണ്ട് തിളങ്ങാന്‍ ഇന്ത്യയുടെ സ്റ്റാര്‍ ബാറ്റര്‍ വിരാട് കോലിക്ക് കഴിഞ്ഞിരുന്നില്ല. 13 പന്തില്‍ 19 റണ്‍സ് മാത്രമാണ് താരത്തിന് നേടാനായത്. എന്നാല്‍ ഇതിന്‍റെ ക്ഷീണം തീര്‍ക്കുന്ന തകര്‍പ്പന്‍ പ്രകടനമാണ് വിരാട് കോലി ഫീല്‍ഡിങ്ങില്‍ നടത്തിയത്.
രണ്ട് ക്യാച്ചുകളും ഒരു പൊളപ്പന്‍ റണ്ണൗട്ടുമായി ഇന്ത്യന്‍ വിജയത്തില്‍ നിര്‍ണായകമാവാന്‍ കോലിക്ക് കഴിഞ്ഞു. ഇതില്‍ ഏറെ എടുത്ത് പറയേണ്ടതാണ് ടിം ഡേവിഡിനെ ഡയറക്ട് ഹിറ്റിലൂടെ പുറത്താക്കിയ റണ്‍ഔട്ടും പാറ്റ് കമ്മിന്‍സിനെ തിരിച്ചയച്ച ഒറ്റക്കയ്യന്‍ ക്യാച്ചും. 19ാം ഓവറിലെ രണ്ടാം പന്തിലാണ് ഡേവിഡിനെ ബുള്ളറ്റ് ത്രോയിലൂടെ കോലി പുറത്താക്കിയത്.