ദുബായ്: ഫെബ്രുവരി മാസത്തെ ഐസിസി പ്ലയര്‍ ഓഫ് ദ മന്ത് പുരസ്കാരത്തിനുള്ള പുരുഷ-വനിത താരങ്ങളുടെ സാധ്യത പട്ടിക പ്രഖ്യാപിച്ചു. പുരുഷതാരങ്ങളുടെ പട്ടികയില്‍ ഇന്ത്യയില്‍ നിന്ന് ശ്രേയസ് അയ്യറാണ് ഇടം പിടിച്ചിരിക്കുന്നത്. ഫെബ്രുവരി മാസത്തില്‍ മിന്നും ഫോമിലാണ് അയ്യര്‍ ഇന്ത്യക്കായി ബാറ്റ് വീശിയത്.
ശ്രീലങ്കയ്ക്കെതിരെ നടന്ന ട്വന്‍റി ട്വന്‍റി പരമ്പരയില്‍ പുറത്താകാതെ മൂന്ന് അര്‍ധസെഞ്ച്വറിയുള്‍പ്പടെ 204 റണ്‍സാണ് ശ്രേയസ് അയ്യര്‍ നേടിയത്. പരമ്പരയിലെ താരവും അയ്യറായിരുന്നു. യുഎഇ ബാറ്റര്‍ വൃത്യ അരവിന്ദ്, നേപ്പാളില്‍ നിന്നുള്ള ദീപേന്ദ്ര സിംഗ് ഐറി എന്നിവരാണ് നോമിനേഷന്‍ പട്ടികയിലുള്ള മറ്റുതാരങ്ങള്‍.