ദുബായ്: വെസ്‌റ്റിന്‍ഡീസിനെതിരായ ഏകദിന പരമ്പരയില്‍ സമ്പൂര്‍ണ ജയം നേടിയിട്ടും റാങ്കിങില്‍ ഇന്ത്യയുടെ സ്ഥാനത്തിന് മാറ്റമില്ല. ഇന്ന് പുറത്ത് വിട്ട ഏകദിന റാങ്കിങിലും മൂന്നാം സ്ഥാനത്താണ് ഇന്ത്യ. 110 പോയിന്‍റാണ് ഇന്ത്യയ്‌ക്കുള്ളത്. 128 പോയിന്‍റുള്ള ന്യൂസിലന്‍ഡാണ് റാങ്കിങില്‍ ഒന്നാമത്.
രണ്ടാം സ്ഥാനത്തുള്ള ഇംഗ്ലണ്ടിന് 119 പോയിന്‍റാണ് ഉള്ളത്. ഇന്ത്യയേക്കാള്‍ നാല് പോയിന്‍റ് പിന്നിലായി നാലാം സ്ഥാനത്താണ് പാകിസ്ഥാന്‍. വരുന്ന പരമ്പരകളില്‍ ശ്രീലങ്ക-നെതര്‍ലാന്‍ഡ് ടീമുകളെ നേരിടുന്ന പാക് ടീമിന് റാങ്കിങില്‍ ഇന്ത്യയെ മറികടന്ന് മൂന്നാം സ്ഥാനത്തേക്ക് എത്താന്‍ അവസരമുണ്ട്. സിംബാബ്‌വെയാണ് ഇന്ത്യയുടെ അടുത്ത ഏകദിന എതിരാളി.
മുന്‍ ലോക ചാമ്പ്യന്മാരായ ഓസ്‌ട്രേലിയ ഏകദിന റാങ്കിങി ല്‍ അഞ്ചാം സ്ഥാനത്താണ്. ദക്ഷിണാഫ്രിക്ക, ബംഗ്ലാദേശ്, ശ്രീലങ്ക, വെസ്റ്റ് ഇന്‍ഡീസ്, അഫ്‌ഗാനിസ്ഥാന്‍ എന്നിവരാണ് തുടര്‍ന്നുള്ള സ്ഥാനങ്ങളില്‍.