ന്യൂഡൽഹി : ഇന്ത്യൻ മുൻ നായകൻ മഹേന്ദ്രസിങ് ധോണിയും, ഗൗതം ഗംഭീറും തമ്മില്‍ അത്ര രസത്തിലല്ലെന്നത് നേരത്തേ വ്യക്തമായതാണ്. ഒരവസരം കിട്ടിയാൽ ധോണിക്കിട്ടൊരു 'കുത്ത്' കൊടുക്കാൻ ഗംഭീർ ശ്രമിക്കുന്നത് കാണാറുണ്ട്. ഇപ്പോൾ തങ്ങൾ തമ്മിൽ പ്രശ്‌നങ്ങളുണ്ട് എന്ന അഭ്യൂഹങ്ങൾക്ക് മറുപടിയുമായി എത്തിയിരിക്കുകയാണ് ഗംഭീർ.
എനിക്ക് ഏറെ ബഹുമാനമുള്ള വ്യക്‌തിയാണ് ധോണി. അത് എല്ലാ കാലത്തും അങ്ങനെ തന്നെ നിലനിൽക്കും. ഇത് 138 കോടി ജനങ്ങൾക്ക് മുൻപാകെ പറയാനും ഞാൻ തയ്യാറാണ്. ഒരു പ്രതിസന്ധി ഘട്ടത്തിൽ അദ്ദേഹത്തോട് ഏറ്റവും അടുത്തുനിൽക്കുന്ന വ്യക്‌തി ഞാനായിരിക്കും. കാരണം അത്രത്തോളം സംഭാവനകൾ ധോണി ഇന്ത്യൻ ക്രിക്കറ്റിന് നൽകിയിട്ടുണ്ട് - ഗംഭീർ പറഞ്ഞു.