ടി20 ലോകകപ്പിൽ പാക്കിസ്ഥാനെതിരായ ഇന്ത്യയുടെ തോല്‍വിക്ക് പിന്നാലെ കടുത്ത സൈബർ ആക്രമണം നേരിടുന്ന പേസര്‍ മുഹമ്മദ് ഷമിക്ക് പിന്തുണയുമായി മുന്‍ താരങ്ങളുള്‍പ്പെടെയുള്ളവര്‍ രംഗത്ത്. സച്ചിൻ ടെണ്ടുല്‍ക്കര്‍, വീരേന്ദർ സേവാഗ്, ഇർഫാൻ പഠാൻ, യുസ്‌വേന്ദ്ര ചാഹൽ, ആകാശ്‌ ചോപ്ര, ഹര്‍ഭജന്‍ സിങ്, ആര്‍.പി സിങ് തുടങ്ങിയവരാണ് ഷമിക്കെതിരായ ആക്രമണങ്ങളെ അപലപിച്ച് രംഗത്തെത്തിയത്.
‘മുഹമ്മദ് ഷമിക്കെതിരായ ഓൺലൈൻ ആക്രമണം ഞെട്ടിക്കുന്നതാണ്. എല്ലാവരും അദ്ദേഹത്തിനൊപ്പമാണ്. ഷമി ഒരു ചാമ്പ്യനാണ്. ഇന്ത്യൻ ജേഴ്സിയണിയുന്ന ഏതൊരു താരത്തിന്‍റെയും ഹൃദയത്തിൽ ഇന്ത്യയുണ്ട്. പ്രത്യേകിച്ചും ഏതൊരു ഓൺലൈൻ ആൾക്കൂട്ടത്തേക്കാളും. നിനക്കൊപ്പം ഞങ്ങളുണ്ട് ഷമി’ – വീരേന്ദർ സേവാഗ് കുറിച്ചു.