ലണ്ടന്‍: എഫ്എ കപ്പ് ഫുട്‌ബോളിന്‍റെ ക്വാർട്ടർ ഫൈനലിൽ പ്രവേശിച്ച് വമ്പന്മാരായ മാഞ്ചസ്റ്റര്‍ സിറ്റി. അഞ്ചാം റൗണ്ട് മത്സരത്തില്‍ ബ്രിസ്റ്റോൾ സിറ്റിയെ കീഴടക്കിയാണ് മാഞ്ചസ്റ്റര്‍ സിറ്റിയുടെ മുന്നേറ്റം. ഏകപക്ഷീയമായ മൂന്ന് ഗോളുകള്‍ക്കാണ് ബ്രിസ്റ്റോൾ പെപ് ഗ്വാർഡിയോളയുടെ സംഘത്തോട് കീഴടങ്ങിയത്.
മാഞ്ചസ്റ്റര്‍ സിറ്റിക്കായി ഫിൽ ഫോഡൻ ഇരട്ട ഗോളുകള്‍ നേടിയപ്പോള്‍ കെവിൻ ഡി ബ്രൂയ്‌നും ലക്ഷ്യം കണ്ടു. മാഞ്ചസ്റ്റര്‍ സിറ്റിയുടെ സര്‍വാധിപത്യമായിരുന്നു മത്സരത്തില്‍ കാണാന്‍ കഴിഞ്ഞത്. ഏഴാം മിനിട്ടില്‍ തന്നെ ഫിൽ ഫോഡൻ ബ്രിസ്റ്റോളിന്‍റെ വലയില്‍ പന്തെത്തിച്ചു.
റിയാദ് മെഹ്‌റസാണ് ഈ ഗോളിന് ഫോഡന് വഴിയൊരുക്കിയത്. തുടര്‍ന്നും ആക്രമിച്ച് കളിച്ചെങ്കിലും ആദ്യ പകുതിയല്‍ മാഞ്ചസ്റ്റര്‍ സിറ്റിക്ക് ലീഡുയര്‍ത്താനായില്ല. എന്നാല്‍ രണ്ടാം പകുതിയില്‍ 74ാം മിനിട്ടില്‍ സംഘം ലീഡ് ഉയര്‍ത്തി. ഫോഡന്‍റെ രണ്ടാം ഗോളിന് അല്‍വാസരസായിരുന്നു അസിസ്റ്റ്.