മുൻ ഇന്ത്യൻ നായകൻ സൗരവ് ഗാംഗുലിയെ ടീമിന്‍റെ ഉപദേശകനായി നിയമിച്ച്‌ ഐ.പി.എല്‍ ടീം ഡല്‍ഹി ക്യാപിറ്റല്‍സ്. തങ്ങളുടെ ഔദ്യോഗിക ട്വിറ്റര്‍ അക്കൗണ്ടിലൂടെയാണ് ഡല്‍ഹി ഫ്രാഞ്ചൈസി ഇക്കാര്യം ഔദ്യോഗികമായി പ്രഖ്യാപിച്ചത്.
ദാദയുടെ ആരാധകർക്ക് ഏറെ ആവേശം നല്‍കുന്ന വാർത്തയാണ് ഡല്‍ഹി ക്യാപിറ്റല്‍സ് ഇന്ന് പ്രഖ്യാപിച്ചത്. ഡല്‍ഹിയുടെ പരിശീലകൻ ഓസ്ട്രേലിയൻ ഇതിഹാസ താരം റിക്കി പോണ്ടിങ്ങാണ്. പോണ്ടിങും ഗാംഗുലിയും ഒന്നിച്ച്പ്രവർത്തിക്കാൻ പോകുന്നു എന്നതാണ് ക്രിക്കറ്റ് ലോകത്തെ ഏറ്റവും കൂടുതല്‍ ആവേശത്തിലാഴ്ത്തുന്നത്. ക്രിക്കറ്റ് കളിച്ച് കൊണ്ടിരുന്ന സമയത്ത് പ്രധാന എതിരാളികളായിരുന്ന ഇരുവരുടെയും സേവനം ഒരുമിച്ച് ലഭിക്കുന്നത് ഡല്‍ഹി ക്യാപിറ്റല്‍സിന് ഗുണം ചെയ്യും.