പൂനെ: ടീം ഇന്ത്യക്കെതിരെ ഏകദിന പരമ്പര ലക്ഷ്യമിട്ടിറങ്ങുന്ന ഇംഗ്ലണ്ടിന് തിരിച്ചടി. പരിക്കിന്‍റെ പിടിയിലായ നായകന്‍ ഓയിന്‍ മോര്‍ഗനും സാം ബില്ലിങ്ങിനും ശേഷിക്കുന്ന രണ്ട് മത്സരങ്ങളും നഷ്‌ടമാകും. മോര്‍ഗന്‍റെ വിരലിനും ബില്ലിങ്ങിന്‍റെ കഴുത്തിനുമാണ് പരിക്ക്. ഇരുവര്‍ക്കും പകരം ഡേവിഡ് മലാനും ലിവിങ്സ്റ്റണും ടീമിലെത്തും.
അന്തിമ ഇലവനില്‍ ഇടം നേടിയാല്‍ ആദ്യ ഏകദിനം കളിക്കാനുള്ള അവസരമാകും ലിവിങ്‌സ്റ്റണ് ലഭിക്കുക. മോര്ഗന് പകരം ഉപനായകന്‍ ജോസ്‌ ബട്ട്‌ലര്‍ ഇംഗ്ലണ്ടിനെ നയിക്കും. ശേഷിക്കുന്ന രണ്ട് ഏകദിനങ്ങളിലും ജയിച്ചാലെ ഇംഗ്ലണ്ടിന് പരമ്പര സ്വന്തമാക്കാനാകൂ.