അഹമ്മദാബാദ്: നൂറാം ടെസ്റ്റില്‍ വിക്കറ്റ് വീഴ്‌ത്തി തുടങ്ങി ഇന്ത്യന്‍ പേസര്‍ ഇശാന്ത് ശര്‍മ. ഓപ്പണര്‍ ഡോം സിബ്ലിയുടെ വിക്കറ്റാണ് ഇശാന്ത് വീഴ്‌ത്തിയത്. സിബ്ലി റണ്ണൊന്നും എടുക്കാതെയാണ് പവലിയനിലേക്ക് മടങ്ങിയത്. ഇശാന്ത് ശര്‍മയെ നൂറാം ടെസ്റ്റിന് മുന്നോടിയായി രാഷ്‌ട്രപതി രാംനാഥ് കോവിന്ദ് ഉപഹാരം നല്‍കി അനുമോദിച്ചിരുന്നു.
നൂറാം ടെസ്റ്റില്‍ വിക്കറ്റുമായി ഇശാന്ത്; ഇംഗ്ലണ്ടിന്‍റെ റൂട്ട് ഇളകുന്നു - ishants 100th test news
ഇംഗ്ലണ്ടിനെതിരെ ചെപ്പോക്കില്‍ നടന്ന ആദ്യ ടെസ്റ്റിലാണ് ഇശാന്ത് ഇന്ത്യക്കായി 300 വിക്കറ്റുകളെന്ന നേട്ടം കൊയ്‌തത്
ഇശാന്ത്
ഇന്ത്യക്ക് വേണ്ടി 100 ടെസ്റ്റ് കളിക്കുന്ന രണ്ടാമത്തെ പേസറാണ് ഇശാന്ത് ശര്‍മ. ഇതിന് മുമ്പ് മുന്‍ ഇന്ത്യന്‍ നായകന്‍ കപില്‍ ദേവാണ് ഈ നേട്ടം സ്വന്തമാക്കിയത്. 303 ടെസ്റ്റ് വിക്കറ്റുകളാണ് ഇശാന്തിന്‍റെ പേരിലുള്ളത്. നേരത്തെ ഇംഗ്ലണ്ടിനെതിരെ ചെപ്പോക്കില്‍ നടന്ന ആദ്യ ടെസ്റ്റിലാണ് ഇശാന്ത് ഇന്ത്യക്കായി 300 വിക്കറ്റുകളെന്ന നേട്ടം സ്വന്തമാക്കിയത്. 2007ല്‍ ബംഗ്ലാദേശിനെതിരായ ധാക്ക ടെസ്റ്റിലൂടെയാണ് ഇശാന്ത് അന്താരാഷ്‌ട്ര കരിയര്‍ ആരംഭിച്ചത്.
അവസാനം വിവരം ലഭിക്കുമ്പോള്‍ ഇംഗ്ലണ്ട് അഞ്ച് വിക്കറ്റ് നഷ്‌ടത്തില്‍ 81 റണ്‍സെടുത്തു. ആറ് റണ്‍സെടുത്ത ബെന്‍ സ്റ്റോക്‌സും റണ്ണൊന്നും എടുക്കാതെ വിക്കറ്റ് കീപ്പര്‍ ബാറ്റ്‌സ്‌മാന്‍ ബെന്‍ ഫോക്‌സുമാണ് ക്രീസില്‍. ഇംഗ്ലണ്ടിന് വേണ്ടി സാക്‌ ക്രവാലി 84 പന്തില്‍ അര്‍ദ്ധസെഞ്ച്വറിയോടെ 53 റണ്‍സെടുത്ത് പുറത്തായി. ജോണി ബെയര്‍ സ്റ്റോ(0), ജോ റൂട്ട്(17), ഒലി പോപ്പ(1), എന്നിവരാണ് പവലിയനിലേക്ക് മടങ്ങിയ മറ്റ് ഇംഗ്ലീഷ് ബാറ്റ്‌സ്‌മാന്‍മാര്‍.
Last Updated : Feb 24, 2021, 5:02 PM IST