എഡ്‌ജ്‌ബാസ്റ്റണ്‍ : ടി20 ക്രിക്കറ്റിലെ യഥാര്‍ഥ പവര്‍ ഹൗസ് ടീം ഇന്ത്യയാണെന്ന് ഇംഗ്ലണ്ടിന്‍റെ മുൻ സ്പിന്നർ ആഷ്‌ലി ഗൈൽസ്. ഇംഗ്ലണ്ടിനെതിരായ രണ്ടാം ടി20 വിജയത്തിന് പിന്നാലെയാണ് ഗൈൽസ് ഇന്ത്യയെ പ്രശംസിച്ചത്. മികച്ച ടീമും തുല്യ ശേഷിയുള്ള ബെഞ്ചുമാണ് ഇന്ത്യയ്‌ക്കുള്ളതെന്ന് ഗൈൽസ് ക്രിക് ഇന്‍ഫോയോട് പറഞ്ഞു.
സതാംപ്ടണില്‍ നടന്ന ആദ്യ ടി20യില്‍ 50 റണ്‍സിന് ജയിച്ച ഇന്ത്യ എഡ്‌ജ്‌ബാസ്റ്റണില്‍ 49 റണ്‍സിനാണ് വിജയം നേടിയത്. പ്രധാന താരങ്ങളെ പുറത്തിരുത്തിയായിരുന്നു ഇന്ത്യ ഒന്നാം ടി20 കളിച്ചത്. രണ്ടാം മത്സരത്തിലും സീനിയര്‍ താരങ്ങള്‍ കളിച്ചില്ലെങ്കിലും ഫലം വ്യത്യസ്തമാവില്ലായിരുന്നുവെന്നും ഗൈൽസ് പറഞ്ഞു.
'അടി മുതല്‍ തലവരെ ശക്തമായ കളിക്കാരാണ് ഇന്ത്യയ്‌ക്കുള്ളത്. അതിശക്തമായ ബൗളിങ് നിരയാണ് അവര്‍ക്ക്. കഴിഞ്ഞ രണ്ട് മത്സരങ്ങളിലും വിക്കറ്റുകൾ നഷ്ടമായിട്ടും തുടക്കം മുതൽ അവസാനം വരെ ആക്രമണോത്സുകത പ്രകടിപ്പിക്കാന്‍ ഇന്ത്യന്‍ ബാറ്റിങ് നിരയ്‌ക്ക് കഴിഞ്ഞു.