കൊളംബോ : ശ്രീലങ്ക-വെസ്റ്റ് ഇന്‍ഡീസ് ഒന്നാം ടെസ്റ്റിന്‍റെ ആദ്യ ദിനം(Sri Lanka vs West Indies 1st Test) തലയില്‍ പന്തുകൊണ്ട് വെസ്റ്റിന്‍ഡീസിന്‍റെ അരങ്ങേറ്റ താരം ജെറെമി സോളോസാനോയ്ക്ക് (Jeremy Solozano) പരിക്ക്. ഫീല്‍ഡ് ചെയ്യുന്നതിനിടെയാണ് സംഭവം. ഉടൻതന്നെ മെഡിക്കൽ സംഘം എത്തി താരത്തെ ആശുപത്രിയിലേക്ക് മാറ്റുകയായിരുന്നു.
ശ്രീലങ്കന്‍ ഇന്നിങ്‌സിന്‍റെ 24-ാം ഓവറിലാണ് കായിക ലോകത്തെ ഞെട്ടിച്ച സംഭവമുണ്ടായത്. ലങ്കന്‍ നായകന്‍ ദിമുത് കരുണരത്‌നെ(Dimuth Karunaratne) പുള്‍ ഷോട്ട് കളിക്കാനുള്ള ശ്രമത്തിനിടെയാണ് ഷോര്‍ട്ട് ലെഗില്‍ ഫീല്‍ഡ് ചെയ്യുകയായിരുന്ന സോളോസാനോയ്ക്ക് പരിക്കേറ്റത്. ഹെല്‍മെറ്റ് ഗ്രില്ലില്‍ വന്ന് പന്തിടിക്കുകയായിരുന്നു.