കേപ്ടൗണ്‍ : ആധുനിക ക്രിക്കറ്റിലെ തന്‍റെ ഇഷ്ട താരം ഇന്ത്യന്‍ ക്യാപ്റ്റന്‍ വിരാട് കോലിയാണെന്ന് സൗത്ത്ആഫ്രിക്കയുടെ വെടിക്കെട്ട് ബാറ്റ്സ്മാന്‍ ഡേവിഡ് മില്ലര്‍. ട്വിറ്ററില്‍ ഒരു ആരാധകന്‍റെ ചോദ്യത്തിന് ഉത്തരമായാണ് ഐപിഎല്ലില്‍ രാജസ്ഥാന്‍ റോയല്‍സ് അംഗം കുടിയായ മില്ലര്‍ ഇക്കാര്യം പറഞ്ഞത്.
ആധുനിക ക്രിക്കറ്റിലെ പ്രിയപ്പെട്ട ബാറ്റ്സ്മാന്‍ ആരാണെന്നാണ് മില്ലറോട് ആരാധകന്‍ ചോദിച്ചത്. ഇതിന്‍റെ ഉത്തരമായി 'കോലിയല്ലാതെ മറ്റാര് ?' എന്ന ഉത്തരമാണ് മില്ലര്‍ നല്‍കിയത്. ഉത്തരത്തോടൊപ്പം കോലിയെ താരം ടാഗ് ചെയ്യുകയും ചെയ്തിട്ടുണ്ട്.