ബിര്‍മിങ്ഹാം : കോമണ്‍വെല്‍ത്ത് ഗെയിംസ് വനിത ക്രിക്കറ്റില്‍ പാകിസ്ഥാനെതിരെ ഇന്ത്യയ്‌ക്ക് ആധികാരിക ജയം. 100 റണ്‍സ് വിജയലക്ഷ്യം 38 പന്തും എട്ട് വിക്കറ്റും ശേഷിക്കെ ഇന്ത്യന്‍ വനിതകള്‍ മറികടക്കുകയായിരുന്നു. 42 പന്തില്‍ പുറത്താകാതെ 63 റണ്‍സെടുത്ത സ്‌മൃതി മന്ഥാനയാണ് ഇന്ത്യന്‍ ജയം അനായാസമാക്കിയത്.
എട്ട് ഫോറും മൂന്ന് സിക്‌സറുകളുമടങ്ങിയതായിരുന്നു താരത്തിന്‍റെ ഇന്നിങ്‌സ്. ഷെഫാലി വര്‍മ (16), എസ്.മേഘ്ന(14) എന്നിവരുടെ വിക്കറ്റാണ് ഇന്ത്യയ്‌ക്ക് നഷ്‌ടമായത്. ജെര്‍മിയ റോഡ്രിഗസ് പുറത്താകാതെ രണ്ട് റണ്‍സ് നേടി. ജയത്തോടെ ഗ്രൂപ്പ് എ-യില്‍ ഇന്ത്യ ഒന്നാം സ്ഥാനത്തെത്തി.