സിഡ്‌നി:വനിതാ ബിഗ്‌ബ്ലാഷ് ലീഗ് കിരീടം സിഡ്‌നി തണ്ടര്‍ വുമണ്‍സിന്. മെല്‍ബണ്‍ സ്റ്റാറിനെതിരായ കലാശപ്പോരില്‍ ഏഴ്‌ വിക്കറ്റിന്‍റെ ജയമാണ് സിഡ്‌നി തണ്ടേഴ്‌സ് സ്വന്തമാക്കിയത്. ടോസ് നേടി ബാറ്റിങ് തെരഞ്ഞെടുത്ത സിഡ്‌നി സ്റ്റാര്‍സിന് നിശ്ചിത 20 ഓവറില്‍ ഒമ്പത് വിക്കറ്റ് നഷ്‌ടത്തില്‍ 86 റണ്‍സ് എടുക്കാനേ സാധിച്ചുള്ളു. 22 റണ്‍സെടുത്ത കാതറിന്‍ ബേണാണ് മെല്‍ബണിന്‍റെ ടോപ്പ് സ്‌കോറര്‍.
വനിതാ ബിഗ്‌ബ്ലാഷ് ലീഗ് സിഡ്‌നി തണ്ടര്‍ വുമണ്‍സിന് - bigbash league crown news
മെല്‍ബണ്‍ സ്റ്റാറിനെതിരായ ഫൈനല്‍ പോരാട്ടത്തില്‍ ഏഴ്‌ വിക്കറ്റിന്‍റെ ജയമാണ് സിഡ്‌നി തണ്ടേഴ്‌സ് സ്വന്തമാക്കിയത്
സിഡ്‌നി തണ്ടര്‍ വുമണ്‍
ഷബ്‌നിം ഇസ്‌മെയില്‍, സാമി ജോ ജോണ്‍സണ്‍ എന്നിവര്‍ സിഡ്‌നിക്ക് വേണ്ടി രണ്ട് വിക്കറ്റ് വീതം വീഴ്‌ത്തി. സാമന്ത ബേറ്റ്, ഹന്നാഹ് ഡാര്‍ലിങ്ടണ്‍, ലോറന്‍ സ്‌മിത്ത്, ഹീതര്‍ നൈറ്റ് എന്നിവര്‍ ഓരോ വിക്കറ്റ് വീതം സ്വന്തമാക്കി.
മറുപടി ബാറ്റിങ്ങിന് ഇറങ്ങിയ സിഡ്‌നി 13.4 ഓവറില്‍ ലക്ഷ്യം കണ്ടു. പുറത്താകാതെ 26 റണ്‍സെടുത്ത ഹീതര്‍ നൈറ്റാണ് സിഡ്‌നിയുടെ ടോപ്പ് സ്‌കോറര്‍. ഓപ്പണര്‍ റേച്ചല്‍ ട്രെനാമാന്‍ 23 റണ്‍സെടുത്ത ഹീതര്‍ക്ക് പിന്തുണ നല്‍കി. നായിക റേച്ചല്‍ ഹൈയിന്‍സ് 21 റണ്‍സെടുത്ത് പുറത്താകാതെ നിന്നു. രണ്ടാം തവണയാണ് സിഡ്‌നി വനിതാ ബിഗ്‌ബ്ലാഷ് ലീഗ് സ്വന്തമാക്കുന്നത്.