സെന്‍റ് ലൂസിയ: വിരമിക്കല്‍ പ്രഖ്യാപനം നടത്തിയ വെസ്‌റ്റ് ഇൻഡീസ് താരം ഡ്വെയ്‌ന്‍ ബ്രാവോ അന്താരാഷ്‌ട്ര ക്രിക്കറ്റിലേക്ക് തിരിച്ചെത്തുന്നു. വിന്‍ഡീസ് ക്രിക്കറ്റിലെ ആഭ്യന്തര പ്രശ്നങ്ങളെ തുടർന്ന് ബ്രാവോ 2018-ല്‍ അപ്രതീക്ഷിതമായി വിരമിക്കല്‍ പ്രഖ്യാപനം നടത്തുകയായിരുന്നു. അതേസമയം ട്വന്‍റി-20 ഒഴികെ മറ്റൊരു ഫോർമാറ്റിലും കളിക്കാന്‍ തയ്യാറല്ലെന്ന് താരം പറഞ്ഞു. 2016 മുതല്‍ താരം അന്താരാഷ്‌ട്ര ക്രിക്കറ്റില്‍ നിന്നും വിട്ടുനില്‍ക്കുകയാണ്.
ഓൾ റൗണ്ടറെന്ന നിലയില്‍ അന്താരാഷ്‌ട്ര ക്രിക്കറ്റില്‍ മികച്ച പ്രകടമാണ് ബ്രാവോ പുറത്തെടുത്തത്, പ്രത്യേകിച്ചും ട്വന്‍റി-20 മത്സരങ്ങളില്‍. കരിയറിലെ 66 ട്വന്‍റി-20 അന്താരാഷ്‌ട്ര മത്സരങ്ങളില്‍ നിന്നായി ബ്രാവോ 52 വിക്കറ്റുകളും 1142 റണ്‍സും 35 ക്യാച്ചുകളും സ്വന്തമാക്കി. അന്താരാഷ്‌ട്ര തലത്തില്‍ ആകെ കളിച്ച 270 മത്സരങ്ങളില്‍ നിന്നായി 6310 റണ്‍സും 337 വിക്കറ്റുകളും 149 കാച്ചുകളും താരം അക്കൗണ്ടില്‍ ചേർത്തിട്ടുണ്ട്.