ഓസ്ട്രേലിയക്കെതിരെയുള്ള രണ്ടാം ടി-20ടീമിൽ മൂന്ന് മാറ്റങ്ങൾ നിർദ്ദേശിച്ച് മുൻ ഇന്ത്യൻതാരം അജയ് ജഡേജ. വിശാഖപട്ടണത്ത് നടന്ന ആദ്യ മത്സരത്തിന്‍റെഅവസാന പന്തിൽ ഇന്ത്യക്കെതിരെ ഓസീസ് മൂന്ന് വിക്കറ്റിന്‍റെജയം സ്വന്തമാക്കിയിരുന്നു.
രണ്ടാം ടി-20 യിൽ മൂന്ന് മാറ്റങ്ങൾ നിർദ്ദേശിച്ച് മുൻ താരം അജയ് ജഡേജ
ആദ്യ ടി-20യിൽ പരാജയപ്പെട്ട മൂന്ന് താരങ്ങളെ മാറ്റി ധവാൻ, വിജയ് ശങ്കർ, സിദ്ധാർത്ഥ് കൗൾ എന്നിവരെ ടീമിൽ ഉൾപ്പെടുത്തണമെന്ന് ജഡേജ അഭിപ്രായപ്പെട്ടു.
അജയ് ജഡേജ
നാളെ ബെംഗളൂരു ചിന്നസ്വാമി സ്റ്റേഡിയത്തില്‍ നടക്കുന്ന രണ്ടാം ടി-20 മത്സരത്തിലേക്കാണ് മാറ്റങ്ങള്‍നിര്‍ദ്ദേശിച്ച് ജഡേജ രംഗത്തെത്തിയത്. രോഹിത് ശര്‍മ, ഉമേഷ് യാദവ്, ഋഷഭ് പന്ത്/ദിനേശ് കാര്‍ത്തിക് എന്നിവരെ മാറ്റണമെന്നാണ് ജഡേജയുടെ അഭിപ്രായം. ഓസ്‌ട്രേലിയന്‍ പരമ്പര മുതല്‍ തുടര്‍ച്ചയായി കളിച്ചുകൊണ്ടിരിക്കുന്ന രോഹിത് ശര്‍മയ്ക്ക് വിശ്രമം നല്‍കി ശിഖര്‍ ധവാനെ തിരികെ കൊണ്ടുവരണം. പ്രകടനത്തിന്‍റെഅടിസ്ഥാനത്തിലല്ല രോഹിത്തിന്‍റെമാറ്റം ആഗ്രഹിക്കുന്നതെന്നും, താരത്തിന് വിശ്രമം അനിവാര്യമായ സന്ദർഭമാണെന്നും ജഡേജ പറഞ്ഞു.രണ്ടാം ടി-20യില്‍ കെ.എല്‍. രാഹുലിനൊപ്പം ധവാൻ ഓപ്പണ്‍ ചെയ്യണമെന്നാണ് ജഡേജ നിര്‍ദ്ദേശിക്കുന്നത്.
ആദ്യ ടി-20യില്‍ മോശം പ്രകടനം കാഴ്ച വച്ച റിഷഭ് പന്തിനെയോ കാര്‍ത്തിക്കിനെയോ പുറത്തിരുത്തി വിജയ് ശങ്കറിനെയും അവസാന ഓവറില്‍ റണ്‍സ് വിട്ടുനല്‍കിയ ഉമേഷ് യാദവിന് പകരം സിദ്ധാര്‍ത്ഥ് കൗളിനെയും ടീമിലെത്തിക്കണമെന്നും ജഡേജ അഭിപ്രായപ്പെട്ടു.