ചമിന്ദ വാസ് ശ്രീലങ്കയുടെ പുതിയ ബൗളിങ്ങ് കോച്ച്

ഓസ്‌ട്രേലിയക്കാരൻ ഡേവിഡ് സെക്കർ രാജിവെച്ച ഒഴിവിലേക്കാണ് മുൻ ശ്രീലങ്കൻ താരത്തിന്‍റെ വരവ്.

കൊളംബോ: ശ്രീലങ്കൻ ദേശീയ ക്രിക്കറ്റ് ടീമിന്‍റെ ഫാസ്റ്റ് ബൗളിങ്ങ് കോച്ചായി ചമിന്ദ വാസിനെ നിയമിച്ചു. ഓസ്‌ട്രേലിയക്കാരൻ ഡേവിഡ് സെക്കർ രാജിവെച്ച ഒഴിവിലേക്കാണ് മുൻ ശ്രീലങ്കൻ താരത്തിന്‍റെ വരവ്. വെസ്റ്റ് ഇൻഡീസ് പര്യടനത്തോടെ വാസ് ടീമിന്‍റെ ഭാഗമാവും. മാർച്ച് 3 മുതൽ എപ്രിൽ 2 വരെയാണ് ശ്രീലങ്കയുടെ വെസ്റ്റ് ഇൻഡീസ് പര്യടനം.

നിലവിൽ വാസ് ശ്രീലങ്കൻ ക്രിക്കറ്റ് ബോർഡിന്‍റെ ഹൈ- പെർഫോമൻസ് സെന്‍ററിലെ ബൗളിങ്ങ് കോച്ചാണ്. ശ്രീലങ്കയ്‌ക്കായി 111 ടെസ്റ്റുകളിൽ നിന്നായി 355 വിക്കറ്റുകളും 322 ഏകദിനങ്ങളിൽ നിന്നായി 400 വിക്കറ്റുകളും ചമിന്ദ വാസ് നേടിയിട്ടുണ്ട്.