കറാച്ചി: ചൈനക്കാരുടെ ഭക്ഷണ ശീലങ്ങളെ വിമർശിച്ച് മുന്‍ പാകിസ്ഥാന്‍ പേസർ ഷുഹൈബ് അക്തർ. കൊവിഡ് 19 ഭീതിയുടെ പശ്ചാത്തലത്തിലാണ് അക്തറുടെ വിമർശനം. വികൃതമായ ഭക്ഷണ രീതിയാണ് ചൈനക്കാരുടെതെന്ന് പാക് പേസർ ട്വീറ്റിലൂടെ പറഞ്ഞു.
ചൈനക്കാരുടെ ഭക്ഷണ രീതികളെ വിമർശിച്ച് ഷുഹൈബ് അക്തർ - അക്തർ വാർത്ത
ചൈനക്കാരുടെ ഭക്ഷണ രീതിയില്‍ ക്ഷുഭിതനാണ് താനെന്നും അതിന് ലോകം മുഴുവന്‍ വില നല്‍കുകയാണെന്നും മുന്‍ പാക് പേസർ ഷുഹൈബ് അക്തർ
അക്തർ
ധാരാളം ഹലാല്‍ മൃഗങ്ങളെ ദൈവം നമുക്ക് നല്‍കിയിട്ടും നിങ്ങളെന്താണ് ഹറാം മൃഗങ്ങളെ ഭക്ഷിക്കുന്നതെന്ന് അദ്ദേഹം ചോദിച്ചു. മാംസാഹാരികൾക്കായി ധാരാളം മൃഗങ്ങളെ ലഭ്യമാണ്. പിന്നെ എന്തിനാണ് കടവാവലുകളെയും നായ്‌ക്കളെയും ഭക്ഷിക്കുന്നതെന്ന് അക്തർ ചോദിച്ചു. അവർ അവയുടെ രക്തവും മൂത്രവും ഉൾപ്പെടെ ഭക്ഷിക്കുന്നു. ഇത് ലോകം മുഴുവന്‍ വൈറസ് വ്യാപനത്തിന് കാരണമാകുന്നതെന്നും അദ്ദേഹം പറഞ്ഞു. ഈ വിഷയത്തില്‍ ക്ഷുഭിതനാണ് താനെന്നും അക്തർ വ്യക്തമാക്കി. ചൈനക്കാരുടെ ശീലങ്ങൾക്ക് ലോകം മുഴുവന്‍ വില നല്‍കുകയാണ്.
കൊവിഡ് 19 ഇന്ത്യന്‍ പ്രീമിയർ ലീഗ്, പാകിസ്ഥാന്‍ സൂപ്പർ ലീഗ് മത്സരങ്ങളെ നേരിട്ട് ബാധിച്ചതിലെ നിരാശയും അക്തർ പങ്കുവെച്ചു. കഴിഞ്ഞ വെള്ളിയാഴ്‌ചയാണ് ഐപിഎല്‍ മത്സരങ്ങൾ ഏപ്രില്‍ 15-ലേക്ക് മാറ്റിവെക്കാന്‍ ബിസിസിഐ തീരുമാനിച്ചത്. അതേസമയം പാകിസ്ഥാന്‍ സൂപ്പർ ലീഗ് മത്സരങ്ങൾ അടച്ചിട്ട സ്റ്റേഡിയത്തില്‍ നടത്താന്‍ തീരുമാനിക്കുകയായിരുന്നു. എല്ലാവരും വൈറസ് പ്രിതിരോധ നടപടികളെ ഗൗരവത്തോടെ കാണണമെന്നും ഷുഹൈബ് അക്തർ വ്യക്തമാക്കി.