ഹൈദരാബാദ്:ഓസ്‌ട്രേലിയന്‍ ഇതിഹാസ താരം റിക്കി പോണ്ടിങ്ങിന് പരിശീലനം നല്‍കാനൊരുങ്ങുകയാണ് ക്രിക്കറ്റ് ദൈവം സച്ചിന്‍ തെണ്ടുല്‍ക്കര്‍. ഓസ്‌ട്രേലിയയിലെ കാട്ടുതീ ബാധിതരെ സഹായിക്കുന്നിതിനുള്ള പണം ശേഖരിക്കുന്നതിനായി നടത്തുന്ന മത്സരത്തിലാണ് സച്ചിന്‍ പരിശീലകന്‍റെ വേഷത്തിലെത്തിയിരിക്കുന്നത്. പോണ്ടിങ് ഇലവനും, ഷെയിന്‍ വോണ്‍ ഇലവനും തമ്മിലാണ് മത്സരം സംഘര്‍പ്പിച്ചിരിക്കുന്നത്. "ബുഷ്‌ഫയര്‍ ക്രിക്കറ്റ് ബാഷ്" എന്ന് പേരിട്ടിരിക്കുന്ന മത്സരം ഫെബ്രുവരി എട്ടിന് നടക്കും.
സച്ചിനെ കൂടാതെ വെസ്‌റ്റ് ഇന്‍ഡീസ് ഇതിഹാസ താരം കോര്‍ട്‌നി വാള്‍ഷും പരിശീലക വേഷത്തിലെത്തുന്നുണ്ട്. വാള്‍ഷിന്‍റെ ശിക്ഷണത്തിലായിരിക്കും ഷെയിന്‍ വോണും സംഘവും കളത്തിലിറങ്ങുക. ജസ്‌റ്റിന്‍ ലാങ്കര്‍, ആദം ഗില്‍ക്രിസ്റ്റ്, ബ്രെറ്റ് ലീ, ഷെയിന്‍ വാട്സണ്‍, മൈക്കല്‍ ക്ലാര്‍ക്ക്, അലക്‌സ് ബ്ലാക്‌വെല്‍ എന്നിവരുടെ തിരിച്ചുവരവിനും "ബുഷ്‌ഫയര്‍ ക്രിക്കറ്റ് ്ബാഷ്" മത്സരം വേദിയാകും.