മാഞ്ചസ്റ്റര്‍: ഇംഗ്ലണ്ടിനെതിരായ ടെസ്റ്റ് മത്സരത്തില്‍ ടോസ് നേടി ബാറ്റിങ്ങ് ആരംഭിച്ച പാകിസ്ഥാന് പതിഞ്ഞ തുടക്കം. ഓള്‍ഡ് ട്രാഫോഡില്‍ ഉച്ചഭക്ഷണത്തിന് പിരിയുമ്പോള്‍ പാകിസ്ഥാന് രണ്ട് വിക്കറ്റ് നഷ്‌ടത്തില്‍ 53 റണ്‍സെടുത്തു. 16 റണ്‍സെടുത്ത ഓപ്പണര്‍ ആബിദ് അലിയും റണ്ണൊന്നും എടുക്കാതെ നായകന്‍ അഹ്‌സര്‍ അലിയുമാണ് പുറത്തായത്.
ആബിദ് അലിയെ ആര്‍ച്ചര്‍ ക്ലീന്‍ ബൗള്‍ഡാക്കുകയായിരുന്നു. വൺഡൗണായി ഇറങ്ങിയ അസര്‍ അലിയെ രണ്ട് ഓവറുകള്‍ക്ക് ശേഷം ക്രിസ് വോക്‌സ് വിക്കറ്റിന് മുന്നില്‍ കുടുക്കി. 27 റണ്‍സെടുത്ത ഓപ്പണര്‍ ഷാന്‍ മസൂദും നാല് റണ്‍സെടുത്ത ബാബര്‍ അസമുമാണ് ക്രീസില്‍.