പൂനെ: ഇന്ത്യ- ഇംഗ്ലണ്ട് ഏകദിന പരമ്പരയിലെ വിജയികളെ നിര്‍ണ്ണയിക്കുന്ന മൂന്നാം മത്സരത്തിന് തുടക്കം. ടോസ് നഷ്ടപ്പെട്ട് ആദ്യം ബാറ്റു ചെയ്യാനിറങ്ങിയ ഇന്ത്യയ്ക്ക് വേണ്ടി ഓപ്പണിങ് സഖ്യമായ രോഹിത് ശര്‍മ്മയും ശിഖര്‍ ധവാനും മികച്ച തുടക്കമാണ് നല്‍കിയത്. ഇരുവരും ബൗണ്ടറികളുമായി കളം നിറഞ്ഞതോടെ ആദ്യ പവര്‍ പ്ലേയില്‍ മാത്രം 65 റണ്‍സാണ് ടീം കണ്ടെത്തിയത്.
14.1 ഓവറിൽ വിക്കറ്റ് നഷ്ടമാകാതെ 100 റൺസ് കണ്ടെത്താനും ടീമിന് കഴിഞ്ഞു. എന്നാല്‍ ടീം 100 കടന്നയുടൻ ഇന്ത്യയ്ക്ക് മൂന്ന് വിക്കറ്റുകൾ നഷ്ടമായി. 37 പന്തില്‍ 37 റണ്‍സെടുത്ത രോഹിത് ശര്‍മ്മ, 56 പന്തില്‍ 67 റൺസെടുത്ത ശിഖർ ധവാൻ, പത്ത് പന്തില്‍ ഏഴ് റൺസെടുത്ത നായകൻ വിരാട് കോലി എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്.