സിഡ്‌നി: ഓസിസ് പര്യടനത്തിന്‍റെ ഭാഗമായുള്ള ആദ്യ ഏകദിനത്തില്‍ ഹര്‍ദിക് പാണ്ഡ്യക്കും ശിഖര്‍ ധവാനും അര്‍ധസെഞ്ച്വറി. ഓസിസ് പേസ്‌ ആക്രമണത്തെ തടുക്കാനാകാതെ ടീം ഇന്ത്യയുടെ മുന്‍നിര പതറിയപ്പോഴാണ് ഹര്‍ദിക് പാണ്ഡ്യയും ഓപ്പണര്‍ ശിഖര്‍ ധവാനും അര്‍ദ്ധസെഞ്ച്വറിയുമായി തിളങ്ങി. ഇരുവരുടെയും ബാറ്റിങ് കരുത്തില്‍ വിരാട് കോലിയും കൂട്ടരും 200 കടന്നു. 29 ഓവറില്‍ നാല് വിക്കറ്റ് നഷ്‌ടത്തില്‍ ഇന്ത്യ 201 റണ്‍സെടുത്തു. 58 റണ്‍സെടുത്ത ധവാനും 69 റണ്‍സെടുത്ത പാണ്ഡ്യയുമാണ് ക്രീസില്‍.
വെടിക്കെട്ട് ബാറ്റിങ് പുറത്തെടുത്ത പാണ്ഡ്യ മൂന്ന് ഫോറും നാല് സിക്‌സും ഉള്‍പ്പെടെയാണ് അര്‍ദ്ധസെഞ്ച്വറി സ്വന്തമാക്കിയത്. അവസാനം വിവരം ലഭിക്കുമ്പോള്‍ പാണ്ഡ്യ 41 പന്തില്‍ 55 റണ്‍സെടുത്തു. മറുഭാഗത്ത് നിലയുറപ്പിച്ച് കളിക്കുന്ന ശിഖര്‍ ധവാന്‍ 62 പന്തില്‍ 55 റണ്‍സെടുത്തു. ഏഴ്‌ ഫോര്‍ ഉള്‍പ്പെടുന്നതായിരുന്നു ധവാന്‍റെ ഇന്നിങ്സ്. അവസാനം വിവരം ലഭിക്കുമ്പോള്‍ ഇരുവരും ചേര്‍ന്ന് 100 റണ്‍സിന്‍റെ അഞ്ചാം വിക്കറ്റ് കൂട്ടുകെട്ടാണുണ്ടാക്കിയത്.