ന്യൂഡല്‍ഹി: സച്ചിനെ ആദ്യം കണ്ടപ്പോൾ ദൈവത്തിന് കൈ കൊടുത്ത പോലുള്ള അനുഭവമാണ് ഉണ്ടായതെന്ന് യുവരാജ് സിങ്. അന്താരാഷ്‌ട്ര ക്രിക്കറ്റില്‍ നിന്നും വിരമിച്ച ദിവസം ഓർമിപ്പിച്ച സച്ചിന് റീ ട്വീറ്റ് ചെയ്യുകയായിരുന്നു യുവി. യുവരാജ് സിങ് അന്താരാഷ്‌ട്ര ക്രിക്കറ്റില്‍ നിന്നും വിരമിച്ചതിന്‍റെ ഒന്നാം വാർഷികത്തിലാണ് അദ്ദേഹത്തിന് വേണ്ടി സച്ചന്‍ ട്വീറ്റ് ചെയ്‌തത്.
നന്ദി മാസ്റ്റർ എന്ന് പറഞ്ഞു കൊണ്ടാണ് യുവിയുടെ ട്വീറ്റ്. ആദ്യം കണ്ടപ്പോൾ ദൈവത്തിന് കൈ കൊടുത്ത അനുഭവമായിരുന്നു. ജീവിതത്തിലെ കഠിനമായ സാഹചര്യങ്ങളില്‍ സച്ചിന് തനിക്ക് മാർഗദർശിയായി. സ്വന്തം കഴിവില്‍ വിശ്വസിക്കാന്‍ നിങ്ങളെന്നെ പഠിപ്പിച്ചു. തന്‍റെ ജീവിതത്തില്‍ സച്ചിന് സ്വാധീനിച്ച പോലെ വരുന്ന തലമുറക്ക് വഴികാട്ടിയായി മാറും. സച്ചിനൊപ്പം ചിലവിട്ട അവിസ്‌മരണീയ മുഹൂർത്തങ്ങളെ കുറിച്ച് ഒർമിക്കുന്നുവെന്നും യുവി കൂട്ടിച്ചേർത്തു.