മെല്‍ബണ്‍: ഓസ്ട്രേലിയന്‍ പേസര്‍ പീറ്റര്‍ സിഡില്‍ അന്താരാഷ്ട്ര ക്രിക്കറ്റില്‍ നിന്ന് വിരമിക്കുന്നു. ഇന്നലെ ന്യൂസിലന്‍ഡിനെതിരായ രണ്ടാം ടെസ്റ്റിന്‍റെ നാലാം ദിവസം കളി തുടങ്ങുന്നതിന് മുമ്പ് മെല്‍ബണില്‍ ടീം അംഗങ്ങള്‍ക്ക് മുന്നില്‍ വൈകാരികമായിട്ടായിരുന്നു പീറ്റര്‍ സിഡില്‍ വിരമിക്കല്‍ പ്രഖ്യാപനം .
ശരിയായ സമയം എന്താണെന്ന് അറിയാൻ പലപ്പോഴും ബുദ്ധിമുട്ടാണ്. 67 ടെസ്റ്റുകള്‍. ഇതിലും വലിയ ഒരു അവസരം വേറെ എന്താണ്. എനിക്ക് വളരെ സന്തോഷവും സങ്കടവും തോന്നുന്ന നിമിഷങ്ങളാണിത്. ഞാന്‍ വളരെ കഴിവുള്ളവനായിരുന്നില്ല. പലപ്പോഴും ക്രിക്കറ്റില്‍ കൊച്ചു കുട്ടിയായിരുന്നു. അതുകൊണ്ട് തന്നെ കഠിനാധ്വാനം ചെയ്യേണ്ടി വന്നു. എന്നെക്കാള്‍ ചെറുപ്പക്കാര്‍ ടീമിലുണ്ട്. വിരമിക്കല്‍ ചടങ്ങില്‍ വികാര നിര്‍ഭരമായി അദ്ദേഹം ടീമിനെക്കുറിച്ച് പറഞ്ഞുകൊണ്ടേയിരുന്നു. ന്യൂസിലന്‍ഡിനെതിരായ രണ്ടാം ടെസ്റ്റില്‍ അദ്ദേഹത്തിന് കളിക്കാന്‍ അവസരം ലഭിച്ചിരുന്നില്ല. ഇതാണോ പെട്ടെന്നുള്ള വിരമിക്കല്‍ പ്രഖ്യാപനത്തിന് കാരണമെന്ന് സിഡിലോ മറ്റ് ടീം അംഗങ്ങളോ വ്യക്തമാക്കിയിട്ടില്ല.