ആഷസില്‍ ഓസീസിന് മേല്‍ക്കൈ

മുൻ നിര വിക്കറ്റുകൾ അതിവേഗം നഷ്ടമായ ഇംഗ്ലണ്ടിനെ പിടിച്ചു നിർത്തിയത് അർദ്ധ സെഞ്ച്വറി നേടിയ നായകൻ ജോ റൂട്ടും ഓപ്പണർ റോറി ബേൺസും ചേർന്നാണ്.

മാഞ്ചസ്റ്റർ ; ആഷസ് പരമ്പരയിലെ നാലാം മത്സരത്തില്‍ ഓസ്ട്രേലിയയ്ക്ക് മേല്‍ക്കൈ. ഒന്നാം ഇന്നിംഗ്സില്‍ ഓസീസ് ഉയർത്തിയ 497 റൺസ് പിന്തുടരുന്ന ഇംഗ്ലണ്ട്, മൂന്നാം ദിനം കളി നിർത്തുമ്പോൾ അഞ്ച് വിക്കറ്റ് നഷ്ടത്തില്‍ 200 റൺസ് എന്ന നിലയിലാണ്. മുൻ നിര വിക്കറ്റുകൾ അതിവേഗം നഷ്ടമായ ഇംഗ്ലണ്ടിനെ പിടിച്ചു നിർത്തിയത് അർദ്ധ സെഞ്ച്വറി നേടിയ നായകൻ ജോ റൂട്ടും ഓപ്പണർ റോറി ബേൺസും ചേർന്നാണ്. കളി അവസാനിക്കുമ്പോൾ ഏഴ് റൺസെടുത്ത ബെൻ സ്റ്റോക്സും രണ്ട് റൺസുമായി ബെയർസ്റ്റോയുമാണ് ക്രീസില്‍. നാല് വിക്കറ്റ് നേടിയ ജോഷ് ഹാസില്‍വുഡാണ് ഇംഗ്ലണ്ടിനെ തകർത്തത്.

നേരത്തെ ഒന്നാം ഇന്നിംഗ്സില്‍ സ്റ്റീവ് സ്മിത്തിന്‍റെ തകർപ്പൻ ഇരട്ട സെഞ്ച്വറിയുടെ മികവിലാണ് ഓസീസ് 497 റൺസെടുത്തത്. നായകൻ ടിം പെയ്ൻ, മിച്ചല്‍ സ്റ്റാർക്ക് എന്നിവർ അർദ്ധ സെഞ്ച്വറിയുമായി സ്മിത്തിന് മികച്ച പിന്തുണ നല്‍കി.