ബംഗളൂരു: കൊവിഡ് 19 പ്രതിരോധത്തിന്‍റെ ഭാഗമായി ബംഗളൂരു പൊലീസിന് 1000 സുരക്ഷാ കിറ്റുകൾ നല്‍കി മുന്‍ ഇന്ത്യന്‍ ക്രിക്കറ്റ് ടീം നായകന്‍ അനില്‍ കുംബ്ലെ. കിറ്റുകൾ കുംബ്ലെയില്‍ നിന്നും ബംഗളൂരു സിറ്റി പൊലീസ് കമ്മീഷണർ ഭാസ്‌കർ റാവു ഏറ്റുവാങ്ങി. സാനിറ്റൈസർ, മാസ്‌ക്ക്, സോപ്പ്, പകർച്ചവ്യാധി പ്രതിരോധ ഗുളികകൾ എന്നിവയടങ്ങിയ കിറ്റുകളാണ് വിതരണം ചെയ്‌തത്. എന്‍ജിഒ സംഘടനയായ യുവയുമായി ചേർന്നാണ് കിറ്റുകൾ നല്‍കിയത്.
മുന്‍ ഇന്ത്യന്‍ ക്രിക്കറ്റ് ടീം നായകന്‍ അനില്‍ കുംബ്ലെ സുരക്ഷാ കിറ്റുകൾ ബംഗളൂരു പൊലീസിന് കൈമാറുന്നു.