മുംബൈ: കാര്‍ അപകടത്തില്‍ പെട്ട ഇന്ത്യന്‍ ക്രിക്കറ്റര്‍ റിഷഭ് പന്തിന്‍റെ തിരിച്ചുവരവിനായി പ്രാര്‍ഥിച്ച് ക്രിക്കറ്റ് ലോകം. എത്രയും വേഗം പന്ത് സുഖം പ്രാപിക്കട്ടെയന്ന് വിവിധ കോണുകളില്‍ നിന്നും ആശംസ ഉയരുന്നുണ്ട്. പാകിസ്ഥാന്‍ താരം ഷഹീന്‍ ഷാ അഫ്രീദി, ബംഗ്ലാദേശ് താരം ലിറ്റണ്‍ ദാസ്, എന്‍സിഎ ഡയറക്റ്ററും മുന്‍ താരവുമായ വിവിഎസ് ലക്ഷ്‌മണ്‍, ഇന്ത്യന്‍ പേസര്‍ മുഹമ്മദ് ഷമി, സ്‌പിന്നര്‍ ആര്‍ അശ്വിന്‍, മുന്‍ നായകന്‍ മുഹമ്മദ് അസറുദ്ദീന്‍,
മുന്‍ താരങ്ങളായ ഗൗതം ഗംഭീര്‍, വിരേന്ദര്‍ സെവാഗ്, വെങ്കിടേഷ് പ്രസാദ്, മുനാഫ് പട്ടേല്‍, വനിത താരം ജുലന്‍ ഗോസ്വാമി, ശ്രീലങ്കന്‍ മുന്‍ താരം ലസിത് മലിംഗ, പാക് താരം ഷൊയ്‌ബ് മാലിക് തുടങ്ങി നിരവധിയാളുകള്‍ പന്തിനായി ട്വീറ്റ് ചെയ്‌തിട്ടുണ്ട്. വെള്ളിയാഴ്‌ച പുലര്‍ച്ചെ കാറപകടത്തില്‍ പെട്ട 25കാരന്‍ ഡെറാഡൂണിലെ മാക്‌സ്‌ ആശുപത്രിയിൽ ചികിത്സയിലാണ്.