ന്യൂഡൽഹി : ഇംഗ്ലണ്ടിൽ ടെസ്റ്റ് പരമ്പര ലക്ഷ്യമിട്ട് മുന്നേറിക്കൊണ്ടിരുന്ന ഇന്ത്യക്ക് കനത്ത തിരിച്ചടിയാണ് കൊവിഡിന്‍റെ രൂപത്തിൽ ലഭിച്ചത്. ഇന്ത്യൻ ക്യാമ്പിൽ കോച്ച് രവിശാസ്ത്രി ഉൾപ്പെടെ നാല് പേർക്ക് കൊവിഡ് ബാധിച്ചതിനാൽ അവസാന ടെസ്റ്റ് ഉപേക്ഷിക്കുകയായിരുന്നു. പരമ്പരയില്‍ 2-1 ന് മുന്നിലായിരുന്നു ഇന്ത്യ.
അതേസമയം ഇംഗ്ലണ്ടിൽ കെ എല്‍ രാഹുല്‍, രോഹിത് ശര്‍മ എന്നിവര്‍ നല്‍കിയ സംഭാവന വിസ്‌മരിക്കാനാവില്ലെന്ന് മുൻ ഇന്ത്യൻ താരം വീരേന്ദര്‍ സെവാഗ് അഭിപ്രായപ്പെട്ടു. മധ്യനിര ഫോമിലല്ലാതിരുന്നിട്ടും ഇന്ത്യയെ ശക്തമായ പൊസിഷനില്‍ എത്തിച്ചത് ഓപ്പണര്‍മാരാണ്, സെവാഗ് പറഞ്ഞു.