മെല്‍ബണ്‍ : ന്യൂസിലാൻഡ് മുൻ ഓള്‍റൗണ്ടര്‍ ക്രിസ് കെയ്ന്‍റെ നില ഗുരുതരമാണെങ്കിലും ചികിത്സകളോട് പ്രതികരിച്ച് തുടങ്ങിയതായി സിഡ്‌നിയിലെ ആശുപത്രി അറിയിച്ചു. കഴിഞ്ഞ ദിവസമാണ് ആശുപത്രിയിലെ അത്യാഹിത വിഭാഗത്തില്‍ 51കാരനായ താരത്തെ പ്രവേശിപ്പിച്ചത്.
നേരത്തേ കാൻബറയിലെ ആശുപത്രിയിലായിരുന്ന താരം ചികിത്സകളോട് പ്രതികരിക്കാതെ വന്നതോടെയാണ് സിഡ്‌നിയിലെത്തിച്ചത്. ഹൃദയധമനികൾ പൊട്ടി രക്തസ്രാവമുണ്ടായതിനെ തുടര്‍ന്ന് കഴിഞ്ഞ ആഴ്ചയാണ് താരത്തെ കാൻബറയിലെ ആശുപത്രിയിലെത്തിച്ചത്.