ലഖ്‌നൗ: ടി20 പുരുഷ ക്രിക്കറ്റിൽ ഏറ്റവുമധികം വിക്കറ്റ് വീഴ്‌ത്തിയ ഇന്ത്യൻ ബൗളർമാരിൽ സ്‌പിന്നർ യുസ്‌വേന്ദ്ര ചാഹൽ ഒന്നാമത്. ശ്രീലങ്കക്കെതിരായ ആദ്യ ടി20 മത്സരത്തിൽ ലങ്കൻ നായകൻ ദസുൻ ഷനകയെ പുറത്താക്കിയാണ് ചാഹൽ വിക്കറ്റ് വേട്ടക്കാരിൽ ഒന്നാം സ്ഥാനം സ്വന്തമാക്കിയത്. ജസ്‌പ്രീത് ബുംറയെ പിന്നിലാക്കിയാണ് താരം ഈ നേട്ടം തന്‍റെ പേരിൽ ഏഴുതിച്ചേർത്തത്.
ഷനകയെ പുറത്താക്കിയതോടെ ടി20യിൽ ചഹലിന്‍റെ വിക്കറ്റ് നേട്ടം 67 ആയി. 52 മത്സരങ്ങളിൽ നിന്നാണ് ചഹൽ ഈ നേട്ടം സ്വന്തമാക്കിയത്. 56 മത്സരങ്ങളിൽ നിന്ന് 66 വിക്കറ്റുള്ള ജസ്‌പ്രീത് ബുംറയാണ് ചാഹലിന് പിന്നിൽ രണ്ടാം സ്ഥാനത്ത്.