ന്യൂഡല്‍ഹി: ഇന്ത്യന്‍ ക്രിക്കറ്റ് ടീമിന്‍റെ പുതിയ ജേഴ്‌സി അവതരിപ്പിച്ചു. ഈ മാസം നടക്കാനിരിക്കുന്ന ടി20 ലോകകപ്പിന് മുന്നോടിയായാണ് പുതിയ ജേഴ്‌സി പുറത്തിറക്കിയിരിക്കുന്നത്. ക്യാപ്റ്റന്‍ വിരാട് കോലി, വൈസ് ക്യാപ്റ്റന്‍ രോഹിത് ശര്‍മ, ജസ്പ്രീത് ബുംറ, കെ.എല്‍ രാഹുല്‍, രവീന്ദ്ര ജഡേജ എന്നിവരാണ് പുതിയ ജേഴ്‌സിയില്‍ പ്രത്യക്ഷപ്പെട്ടിരിക്കുന്നത്.
കടുംനീല നിറത്തിലുള്ള പുതിയ ജേഴ്‌സിക്ക് 'Billion Cheers Jersey' എന്നാണ് പേര് നല്‍കിയിരിക്കുന്നത്. ജേഴ്‌സിയിലെ പാറ്റേണുകൾ ഇന്ത്യക്കായി ആർപ്പുവിളിക്കുന്ന ആരാധകരെ പ്രതിനിധീകരിക്കുന്നതാണെന്ന് കിറ്റ് സ്പോണ്‍സര്‍മാരായ എംപിഎൽ സ്‌പോര്‍ട്‌സ്‌ പ്രസ്‌താവനയില്‍ പറഞ്ഞു.