കൊൽക്കത്ത: വരാനിരിക്കുന്ന ഐപിഎൽ 15-ാം സീസണ് മുന്നോടിയായി കൊൽക്കത്ത നൈറ്റ് റൈഡേഴ്‌സിന്‍റെ ബോളിങ് പരിശീലകനായി ഇന്ത്യൻ മുൻ ബോളിങ് കോച്ച് ഭരത് അരുണ്‍ ചുമതലയേറ്റു. ഇന്ത്യൻ ടീമിൽ തന്‍റെ കാലവധി കഴിഞ്ഞ് സ്ഥാനമൊഴിഞ്ഞതിന് ശേഷമാണ് ഭരത് കൊൽക്കത്തക്കൊപ്പം ചേരുന്നത്.
2015 മുതൽ 2017 വരെ ഭരത് അരുണ്‍ റോയൽ ചലഞ്ചേഴ്‌സ് ബംഗളൂരുവിനൊപ്പമുണ്ടായിരുന്നു. എന്നാൽ ടീമുമായി ചില പ്രശ്‌നങ്ങൾ ഉണ്ടായതിനെത്തുടർന്ന് ഭരത് ആർ.സി.ബി വിടുകയായിരുന്നു. പിന്നാലെ 2017ൽ ഭരതിനെ ഇന്ത്യൻ ദേശീയ ടീമിന്‍റെ ബോളിങ് പരിശീലകനായി നിയമിച്ചു.