മാഞ്ചസ്റ്റര്‍ : ഐപിഎൽ രണ്ടാം പാദ മത്സരങ്ങളിൽ നിന്ന് കൂട്ടത്തോടെ പിൻമാറി ഇംഗ്ലണ്ട് താരങ്ങൾ. ടി20 റാങ്കിങ്ങില്‍ ലോക ഒന്നാം നമ്പര്‍ ബാറ്റ്സ്മാനും പഞ്ചാബ് കിങ്സ് താരവുമായിരുന്ന ഡേവിഡ് മലന്, സണ്‍റൈസേഴ്‌സ് ഹൈദരാബാദിന്‍റെ ഓപ്പണറായ ജോണി ബെയര്‍സ്റ്റോ, ഡല്‍ഹി ക്യാപിറ്റല്‍സ് താരമായ ക്രിസ് വോക്‌സ് എന്നിവരാണ് പിൻമാറിയത്.
ടി 20 ലോകകപ്പും ആഷസും കണക്കിലെടുത്താണ് താരങ്ങള്‍ പിന്‍മാറിയതെന്നാണ് വിവരം. അതേസമയം, ഡേവിഡ് മലന് പകരക്കാരനായി ദക്ഷിണാഫ്രിക്കന്‍ താരം ഏയ്‌ഡന്‍ മാര്‍ക്രത്തെ പഞ്ചാബ് കിങ്സ് ടീമിലെടുത്തു. ഇന്ത്യയില്‍ നടന്ന ഐപിഎല്‍ ആദ്യ പാദത്തില്‍ പഞ്ചാബിനായി ഒരു മത്സരത്തില്‍ മാത്രമാണ് മലന് കളിച്ചത്.