ന്യൂഡല്‍ഹി: ഐപിഎല്ലിന് ശേഷം യുഎയില്‍ തുടരാന്‍ ഡൽഹി ക്യാപിറ്റൽസ് പേസര്‍ ആവേശ് ഖാനോട് ബിസിസിഐ ആവശ്യപ്പെട്ടു. ലോകകപ്പിനുള്ള ഇന്ത്യൻ ടീമിൽ നെറ്റ് ബോളറായാണ് താരത്തെ ഉള്‍പ്പെടുത്തിയിരിക്കുന്നത്. കശ്‌മീരി പേസര്‍ ഉമ്രാന്‍ മാലിക്കിന് ശേഷം ടീമിനൊപ്പം ചേര്‍ക്കുന്ന രണ്ടാമത്തെ പേസറാണ് 24 കാരനായ ആവേശ്.
നിലവിൽ നെറ്റ് ബോളറായാണ് ടീമിനൊപ്പം ചേരുന്നതെങ്കിലും സ്‌റ്റാന്‍റ് ബൈ താരമായി ആവേശിന് ഇന്ത്യൻ ടീമിൽ ഇടം ലഭിക്കാന്‍ സാധ്യതയുള്ളതായും റിപ്പോര്‍ട്ടുകളുണ്ട്. ഐപിഎല്ലില്‍ 15 മത്സരങ്ങളിൽ നിന്നും 23 വിക്കറ്റ് നേടിയ താരം നിലവിലെ വിക്കറ്റ് വേട്ടക്കാരുടെ പട്ടികയില്‍ രണ്ടാം സ്ഥാനത്താണ്.