സിഡ്‌നി : അന്താരാഷ്ട്ര ക്രിക്കറ്റിൽ നിന്ന് വിരമിക്കുന്നതായി പ്രഖ്യാപിച്ച് ഓസ്ട്രേലിയന് വനിത ടീം വൈസ് ക്യാപ്റ്റന്‍ റേച്ചല്‍ ഹെയ്ന്സ്. വനിത ബിഗ് ബാഷ് ലീഗിന്‍റെ എട്ടാം സീസണോടുകൂടി ക്രിക്കറ്റിലെ എല്ലാ ഫോര്‍മാറ്റിനോടും താരം വിട പറയുമെന്നാണ് അറിയിച്ചത്. ഓസ്ട്രേലിയയുടെ നാല് ടി20 ലോകകപ്പ്, രണ്ട് ഏകദിന ലോകകപ്പ്, കോമൺവെൽത്ത് ഗെയിംസ് സ്വര്‍ണം എന്നിവ നേടിയ ടീമിൽ അംഗമായിരുന്നു ഹെയ്ന്സ്.
2009ല്‍ ചിരവൈരികളായ ഇംഗ്ലണ്ടിനെതിരെ ലോര്‍ഡ്‌സിലാണ് ഏകദിനത്തിൽ ഹെയ്ന്സ് അരങ്ങേറ്റം കുറിച്ചത്. 77 ഏകദിനങ്ങള്‍ ഓസീസിന് വേണ്ടി കളത്തിലിറങ്ങിയ ഹെയ്ന്സ് രണ്ട് സെഞ്ച്വറികളുള്‍പ്പടെ 2585 റണ്‍സ് നേടി. കങ്കാരുപ്പടയ്‌ക്കായി പരിമിത ഓവര്‍ ക്രിക്കറ്റിൽ ഏറ്റവും അധികം റൺസ് നേടിയ വനിത താരങ്ങളുടെ പട്ടികയിൽ 9-ാം സ്ഥാനത്താണ് താരം.