ബാസെറ്റെർ: കരീബിയൻ പ്രീമിയർ ലീഗിൽ ജമൈക്ക തല്ലവാസിനായി 14 പന്തുകളിൽ ഫിഫ്റ്റിയടിച്ച് വെടിക്കെട്ട് ബാറ്റ്സ്മാൻ ആന്ദ്രേ റസൽ. സെൻ്റ് ലൂസിയ കിങ്സിനെതിരായ മത്സരത്തിലാണ് താരം അവിശ്വസനീയ പ്രകടനം കാഴ്‌ചവെച്ചത്. 6 സിക്‌സിന്‍റെയും മൂന്ന് ഫോറിന്‍റെയും അകമ്പടിയോടെയാണ് റസൽ അർധസെഞ്ചുറി തികച്ചത്.
ഹാബ് റിയാസ് എറിഞ്ഞ 19ആം ഓവറിൽ റസലിൻ്റെ 4 സിക്സറും ഒരു ബൗണ്ടറിയും അടക്കം 32 റൺസ് പിറന്നു. അവസാന ഓവറിൽ രണ്ട് വീതം ബൗണ്ടറിയും സിക്സറും. ഇന്നിങ്സിലെ അവസാന പന്തിൽ ബൗണ്ടറിയടിച്ച് റസൽ സിപിഎൽ ചരിത്രത്തിലെ വേഗതയേറിയ ഫിഫ്റ്റി കുറിച്ചു.
റസലിനൊപ്പം മറ്റ് താരങ്ങൾ കുടി തിളങ്ങിയതോടെ 20 ഓവറിൽ 255 എന്ന കൂറ്റൻ സ്കോറിലേക്ക് തല്ലവാസ് എത്തിച്ചേർന്നു. എല്ലാ ബാറ്റ്സ്മാൻമാരും തിളങ്ങിയ മത്സരത്തിൽ തല്ലവാസ് പവർപ്ലേയിൽ തന്നെ 81 റണ്‍സ് പിന്നിട്ടിരുന്നു.