കൊളംബോ:ഏഷ്യന്‍ ക്രിക്കറ്റ് കൗണ്‍സില്‍ എമേര്ജിങ് ടീംസ് ഏഷ്യ കപ്പ് (ACC Emerging Teams Asia Cup) ഫൈനലില്‍ പാകിസ്ഥാന്‍ എയ്‌ക്കെതിരെ (Pakistan A) ഇന്ത്യ എ (India A) ആദ്യം ബൗള്‍ ചെയ്യും. ടോസ് നേടിയ ഇന്ത്യന്‍ ക്യാപ്‌റ്റന്‍ യാഷ് ദുള്‍ പാകിസ്ഥാന്‍ എയെ ബാറ്റിങ്ങിനയച്ചു.
ഇന്ത്യ എ പ്ലെയിങ് ഇലവന്‍: സായ് സുദര്‍ശന്‍, അഭിഷേക് ശര്‍മ, നിഖിന്‍ ജോസ്, യാഷ് ദുള്‍ (ക്യാപ്‌റ്റന്‍), റിയാന്‍ പരാഗ്, നിഷാന്‍ സിന്ധു, ധ്രുവ് ജുറെല്‍ (വിക്കറ്റ് കീപ്പര്‍), മാനവ് സുതര്‍, യുവാരജ്‌സിന്‍ഹ ദോദിയ, ഹര്‍ഷിത് റാണ, രാജ്‌വര്‍ധന്‍ ഹംഗര്‍ഗേക്കര്‍
പാകിസ്ഥാന്‍ എ പ്ലെയിങ് ഇലവന്‍:സയിം അയൂബ്, സാഹിബ്‌സാദ ഫര്‍ഹാന്‍, ഒമര്‍ ബിന്‍ യൂസഫ്, തയ്യബ് താഹിര്‍, മുഹമ്മദ് ഹാരിസ് (ക്യാപ്‌റ്റന്‍, വിക്കറ്റ് കീപ്പര്‍), ഖാസിം അക്രം, മുബസിര്‍ ഖാന്‍, മുഹമ്മജ് വസീം ജൂനിയര്‍, മെഹ്‌റന്‍ മുംതാസ്, അര്‍ഷാദ് ഇഖ്‌ബാല്‍, സുഫിയാന്‍ മുഖീം
മത്സരം ലൈവായി കാണാന്‍:എമേര്ജിങ് ഏഷ്യ കപ്പ് ഫൈനല്‍ മത്സരം ഇന്ത്യയില്‍ ഫാന്‍കോഡ് (FanCode) ആപ്ലിക്കേഷനിലൂടെ ലൈവായി കാണാം. ഫാന്‍കോഡ് വെബ്‌സൈറ്റിലും മത്സരം സ്‌ട്രീം ചെയ്യും. ടിവിയില്‍ സ്റ്റാര്‍ സ്‌പോര്‍ട്‌സ് (Star Sports) നെറ്റ്‌വര്‍ക്കിലാണ് മത്സരത്തിന്‍റെ സംപ്രേഷണം.
തോല്‍വി അറിയാതെയാണ് ഇന്ത്യ എ ടൂര്‍ണമെന്‍റിന്‍റെ കലാശപ്പോരിന് ടിക്കറ്റെടുത്തത്. സെമി ഫൈനലില്‍ ബംഗ്ലാദേശ് എയെ (Bangladesh A) 51 റണ്‍സിന് തോല്‍പ്പിച്ചുകൊണ്ടായിരുന്നു ഇന്ത്യ എയുടെ ഫൈനല്‍ പ്രവേശനം.