കൊൽക്കത്ത: ഓസ്‌ട്രേലിയൻ ഏകദിന ടി20 നായകൻ ആരോണ്‍ ഫിഞ്ചിനെ ടീമിലെത്തിച്ച് കൊൽക്കത്ത നൈറ്റ് റൈഡേഴ്‌സ്. ഇംഗ്ലണ്ട് താരം അലക്‌സ് ഹെയ്‌ൽസ് ടീമിൽ നിന്ന് പിൻമാറിയതിനെത്തുടർന്നാണ് ഫിഞ്ചിന് നറുക്കുവീണത്. കഴിഞ്ഞ മാസം നടന്ന ഐപിഎൽ മെഗാ ലേലത്തിൽ താരത്തെ ഒരു ടീമും വാങ്ങിയിരുന്നില്ല.
ബയോബബിളിൽ ദീർഘനാൾ തുടരുന്നതിലുള്ള ബുദ്ധിമുട്ട് ചൂണ്ടിക്കാട്ടിയാണ് അലക്‌സ് ഹെയ്‌ൽസ് ഐപിഎല്ലിൽ നിന്ന് പിൻമാറിയത്. അതേസമയം അടിസ്ഥാനവിലയായ ഒന്നരക്കോടി രൂപയ്‌ക്കാണ് ഫിഞ്ചിനെ കൊൽക്കത്ത തങ്ങളുടെ തട്ടകത്തിലെത്തിച്ചിരിക്കുന്നത്.