ദേശീയ സീനിയര്‍ ബാഡ്മിന്‍റൺ ചാമ്പ്യൻഷിപ്പ് വനിതാ സിംഗിള്‍സ് കിരീടം സൈന നെഹ്‌വാളിന്. പി.വി. സിന്ധുവിനെ നേരിട്ടുള്ള സെറ്റുകൾക്ക് കീഴടക്കിയാണ് സൈന കിരീടം നിലനിർത്തിയത്. സ്കോർ 21-18, 21-15.
ദേശീയ സീനിയര്‍ ബാഡ്മിന്‍റണ്‍ കിരീടം സൈനയ്ക്ക്
വനിതാ സിംഗിൾസിൽ പി.വി. സിന്ധുവിനെ പരാജയപ്പെടുത്തി സൈനയും, പുരുഷ സിംഗിൾസിൽ ലക്ഷ്യ സെന്നിനെ കീഴടക്കി സൗരഭ് വർമ്മയും കിരീടം സ്വന്തമാക്കി.
Saina Nehwal
പുരുഷ സിംഗിള്‍സ് ഫൈനലിൽ ലക്ഷ്യ സെന്നിനെ നേരിട്ടുള്ള സെറ്റുകൾക്ക് കീഴടക്കി സൗരഭ് വര്‍മ്മ മൂന്നാം തവണയും ദേശീയ സീനിയര്‍ കിരീടം സ്വന്തമാക്കി. കഴിഞ്ഞ തവണയും ലക്ഷ്യയെ വീഴ്ത്തിയായിരുന്നു സൗരഭിന്‍റെ കിരീട നേട്ടം. ഏഷ്യന്‍ ജൂനിയര്‍ ചാമ്പ്യനായ ലക്ഷ്യക്കെതിരെ 21-18, 21-13 എന്ന സ്കോറിനാണ് സൗരഭിന്‍റെ ജയം. പുരുഷ ഡബിള്‍സില്‍ പ്രണവ് ജെറി ചോപ്ര-ചിരാഗ് ഷെട്ടി സഖ്യവും മിക്സഡ് ഡബിള്‍സില്‍ മനു അത്രി- മനീഷ കെ. സഖ്യവും ചാമ്പ്യന്മാരായി.