വിഷ്ണു വിശാൽ നായകനാകുന്ന ഏറ്റവും പുതിയ തമിഴ് ചിത്രം 'എഫ്ഐആർ' നേരിട്ട് ഒടിടി റിലീസിനെത്തുന്നു. ഗൗതം മേനോന്‍റെ അസിസ്റ്റന്‍റ് കൂടിയായിരുന്ന മനു ആനന്ദ് സംവിധാനം ചെയ്‌ത ചിത്രം ഡിസ്നി പ്ലസ് ഹോട്ട്സ്റ്റാറിലൂടെ പുറത്തിറങ്ങുമെന്നാണ് പുതിയ വിവരം. എന്നാൽ, സിനിമയുടെ റിലീസ് തിയതി പുറത്തുവിട്ടിട്ടില്ല.
മഞ്ജിമ മോഹനാണ് ചിത്രത്തിലെ നായിക. ഗൗതം മേനോൻ, റെയ്‌സ വിൽസൺ, റെബ മോണിക്ക, ഗൗരവ് നാരായണൻ എന്നിവരും പ്രധാന കഥാപാത്രങ്ങളായി എത്തുന്നു. അബു ബക്കർ അബ്‌ദുള്ള എന്ന യുവാവിന്‍റെ വേഷമാണ് വിഷ്ണു വിശാൽ അവതരിപ്പിക്കുന്നത്. നായകനെ പിടികൂടാൻ ശ്രമിക്കുന്ന പൊലീസുകാരനായി ഗൗതം മേനോൻ എത്തുന്നു.