കൃത്യം ഏഴു മണിക്ക് തന്നെ പ്രഖ്യാപനം വന്നതോടെ വിനീത് ശ്രീനിവാസന് വീട്ടുതടങ്കലിൽ നിന്ന് മോചനം. വിനീത് ശ്രീനിവാസൻ നായകനാകുന്ന ഏറ്റവും പുതിയ സിനിമ പ്രഖ്യാപിച്ചു. 'മുകുന്ദൻ ഉണ്ണി അസോസിയേറ്റ്സ്' എന്നാണ് ചിത്രത്തിന്‍റെ പേര്. വളരെ വ്യത്യസ്‌തമായ ഒരു ടൈറ്റിൽ വീഡിയോയിലൂടെ വിനീത് തന്നെയാണ് ഇക്കാര്യം അറിയിച്ചിരിക്കുന്നത്.
യൂ ടു ബ്രൂട്ടസ്, ഉറിയടി, ടൊവിനോ തോമസിന്‍റെ ഗോദ തുടങ്ങിയ ചിത്രങ്ങളുടെ എഡിറ്റർ അഭിനവ് സുന്ദര്‍ നായക് സംവിധാനത്തിലേക്ക് തുടക്കം കുറിക്കുന്ന ചിത്രമാണിത്. വിനീത് ചിത്രത്തിൽ വക്കീല്‍ കഥാപാത്രമായി എത്തുമെന്നാണ് ടൈറ്റിൽ പോസ്റ്റർ വ്യക്തമാക്കുന്നത്.