Vignesh Shivan announced AK 62: അജിത്‌ കുമാറിന്‍റെ 62ാം ചിത്രം പ്രഖ്യാപിച്ച്‌ സംവിധായകന്‍ വിഘ്‌നേഷ്‌ ശിവന്‍. എകെ 62 എന്ന്‌ താത്‌കാലികമായി പേരിട്ടിരിക്കുന്ന പ്രോജക്‌ട്‌ കഴിഞ്ഞ ദിവസം വൈകിട്ട്‌ ഔദ്യോഗികമായി പ്രഖ്യാപിച്ചു. അജിത്തിനൊപ്പം പ്രവര്‍ത്തിക്കുന്നതിന്‍റെ സന്തോഷം പങ്കുവച്ച് വിഘ്‌നേഷ്‌ ശിവനും രംഗത്തെത്തി. അജിത്തിനൊപ്പം പ്രവര്‍ത്തിക്കുന്നതിന്‍റെ സന്തോഷം വാക്കുകളില്‍ ഒതുക്കാന്‍ കഴിയുന്നില്ലെന്നാണ് വിഘ്‌നേഷ്‌ ശിവന്‍റെ ട്വീറ്റ്‌.
കോളിവുഡില്‍ ഒട്ടേറെ ഹിറ്റുകള്‍ സമ്മാനിച്ച ലൈക്ക പ്രൊഡക്ഷന്‍സിന്‍റെ ബാനറില്‍ സുബാസ്‌കരന്‍ ആണ് നിര്‍മാണം. ഈ വര്‍ഷാവസാനം ചിത്രീകരണം ആരംഭിക്കുമെന്നും അടുത്ത വര്‍ഷം മധ്യത്തോടെ റിലീസ്‌ ചെയ്യുമെന്നും ലൈക്ക പ്രൊഡക്ഷന്‍സ്‌ അറിയിച്ചിരിക്കുകയാണ്.
Nayanthara in AK 62: ഔദ്യോഗികമായി പ്രഖ്യാപിച്ചിട്ടില്ലെങ്കിലും നയന്‍താരയും ചിത്രത്തില്‍ നായികയായെത്തുമെന്നാണ്‌ റിപ്പോര്‍ട്ടുകള്‍. അനിരുദ്ധ്‌ രവിചന്ദര്‍ സംഗീതവും നിര്‍വഹിക്കും. മറ്റ്‌ താരങ്ങളുടെയും സാങ്കേതിക പ്രവര്‍ത്തകരുടെയും വിവരങ്ങള്‍ ഉടന്‍ തന്നെ പ്രഖ്യാപിക്കും.